31ê aşma gulane 2013 de Parka Gezî ya Stenbolî de Serewedaritişêk girseyî û îtîrazêko zafhetî dest pêkerd. Serewedaritşê Gezî ewro sey referansêko tarîxî yê têkoşînê demê nêzdî yeno qebulkerdene. Bi munasebetê serrgêra Xoverdayîşê Gezî de Merkezê Pêroyî yê DEM Partî serê hesabê xo yê X’î de mesajêk weşana.
Mesajê DEM Partî wina yo:
“Seba wayîrvejîyayîşê cugehan û ameyoxê şaran bi mîlyonan kesî Gezî de ameyê pêser û vera tedayan û talanê xoza ser, bi waştişê têduştî, edalet, demokrasî û azadî vejîyayê waran. Hafizaya komelkî de xoverdayîşê Gezî cayêko muhîm gêno. Rayîrê caardişê têkoşînê hempar û domdare, demokrasîya rastîkêne, edalet û awankerdişê aştîya komelkî ra derbas beno. Tirkîya ke demokratîke, bi ruhê Gezî yê zafhetî, zafrengî û azadiwaze eşkena bêro ronayene. Kesê ke Xoverdayîşê Gezî de cuya xo ra bîyê bi hurmet û hesret vîr anê.”
Seba serrgêra Xoverdayîşê Gezî ewro do semtê Taksîmî yê Stenbolî de çalakî bêrê viraştene.
