Çeteyanê hukmatê demkî dewêka Reqa de hêrişê şervananê HSD’yî kerd. Herême pêkewtişî dewam kenê.
Merkezê Çapemenîya HSD’yî eşkerayîya xo de da eşnawitene ke çeteyanê Hukmatê Demkî yê Sûrîye hêrişê şervannaê HSD’yî kerd û netîceya nê de şehîd û birîndarî est ê.
Eşkerayîye de nê ameyî vatene:
“Grûbanê hukmatê demkî vera mewzîyanê ma hêrişo xayîn kerd. Dima ra dewa herêma Dibsi Efanî ya Reqa de pêkewtişî vejîyayî. Nê hêrişê pêkerdişo ke bi mabênkarîya hêzanê mîyanneteweyî ame kerdene, binpay kenê.
Goreyê pêkerdişî ganî adirbirnayîş biameyêne caardene û 48 saetan de hêzê ma Dêr Hafir û Meskenê ra bivejîyayêne. La heme vejîyayîşê hêzanê ma temam nêbîyo hukmatê Şamî konvoyê leşkerî, çekê giranî û tanqî şawitî bajaran û hêrişê hêzanê ma kerd. Netîceya nê de grûbêka şervananê ma şehîd bîye.
Hetanê ke pêkerdiş binpay kerd û hêzanê ma rê xîyanet kerd. Reyna ma hêzanê mîyanneteweyî yê paştdayoxan zî na babete ra berpirsîyar tepişenê. Ganî hêzê mîyanneteweyî cade mudaxale bikerê ke binpaykerdişî bêrê vindarnayene û rewşe dahîna giranêr nêbo.”
