CPJ venga rayraberanê Tirkîya kerd ke muxabîrê Ajansa Welat Nedîm Oruç û heme rojnamegerê girewtî bêrê raverdayene.
Komîteya Parastina Rojnamegeran (CPJ), vera tadayo ke nê hewteyanê pêyênan de vera xebatkaranê çapemenîye yê tirkîya û Vakurê Kurdistanî de yeno kerdene ser malpera xo de eşkerayîyê pare kerde. CPJ’î bale ante serê tadayê polîsanê şaristananê Şirnex, Stenbol û Nisêbînî û diyar kerd ke astengkerdena rojnamegeran a demê taqîpkerdena çalakiyan de, pankerdena agahdarkerdena şarî ya.
Eşkerayîya CPJ’î wina ya: “Muxabîrê Ajansa Welatî Nedim Oruç, 14ê Çileye de Şirnexde bi îşkence amebî girewtene. Nedîm Oruç dima hîrê rojan ra 17ê Çileye de bi îdiaya “propagandaya rêxistinê” bi hetê mahkemeyî ra ame girewtene. Nedîm Oruç wexto ke ame destbentkerdene waşt ke çalakîyan sey rojnamegerê bianco kameraya xo. Ganî peynîya na girewtena nîya neheqe bêro.
Reyna qezaya Nisêbînî ya Mêrdînî de zî wextê protesto kerdena hêrişanê serê Rojawanî polîsan mudaxaleyê rojnamegeran kerd. Kesê ke nameyê xo derbaz beno ameyê tespîtkerdene nêyê:
-Pelşîn Çetînkaya (Muxabîra JİNNEWS’î)
-Heval Onkol (Muxabîra Ajansa Mezopotamyaya)
-Kesire Onel (Hemsereka Komeleya Rojnamegeran a Dîcle û Firatî – DFG).”
CPJ’î reyna bale ante serê rewşa rojnamegero xoser yê Fransa Raphaël Boukandoura. Boukandoura demo ke Stenbolde çalakîya DEM Partîye teqîp kerdêne ame destbendkerdene.
