Hemserekê MEBYA-DER’î yê Wanî Yusuf Dundar ke wexto ke destbendkerde bi îşkence dîye û nîşanî ganê ey ser o bibo zî doktorî raporê “pirodayîş çin o” da û bi îdîaya “muqawemetê polîsan kerdo” ame girewtene.
Dundar ke vîzêrî amebi destbendkerdene, vajîya ke wesayîtê destbendkerdişî de ke şîyêne nêweşxane îşkenceyê giranî dîyê.
Yusuf Dundarî doktorê nêweşxaneyî yê nobedarî ra vatbî “Mi dî, sereyê mi û her cayê ganê mi de nîşanî est ê” labelê muayeneyê fîzîkî nêame kerdene û doktorî raporê “pirodayîş çin o” da.
Dundar ke ewro îfadeyê ey ê emnîyetî ame girewtene, bêyîke îfadeyê ey dozgerîye de bêro girewtene bi îdîaya “muqawemetê polîsan kerdo” bi waştişê tepîştişî ame şawitene Mehkemaya Sulh Cezayî ya Nobedare. Dadgerî bi eynî sebeban qerar da ke Dundar bêro girewtene.
Avûkatê Yusuf Dundarî, gereyê doktorî kerd ke raporê pirodayîşî nêdayo û gereyê polîsan kerd ke ey rê îşkence kerdo.
