Nisêbîn’de 5 rojnamegerê ke di rojî nayera ver amebi destbendkerdene ewro badê karûbarê îfadeyê înan ê dozgerîye serbest ameyê veradayene.
Qezaya Mardînî Nisêbîn de 21yê çeleye de verva hêrişanê Rojava ser çalakîyî protesto de rojnamegerê ke amebî destbendkerdene: Heval Onkol, Pelşin Çetinkaya, Kesira Onel, Ferhat Akinci û Muhamed Ali Yilmaz serbest ameyê veradayene. Şewa bîne Mudirîyetê Emnîyetî yê Mardînî de îfade girewtene rojnamegeran qedîyabî, rojnamegerî ewro sewkê edlîyeya Nisêbînî kerdî. Dima karûbarê îfadeyê dozgerîye ra rojnamegerî serbest veradîyayî.
