Rayberîya Xoserîya Demokratîke yê Herêma Vakur û Rojhelatê Sûrîye da resnayene ke adirbest ameyo dergkedene la xetereyê hêrişan serê herême hîna yenê domkerdene. Rayberîye venga şarî da va ke asta berze de hişyar vindê.
Rayberîya Xoserîya Demokratîke yê Herêma Vakur û Rojhelatê Sûrîyayî derheqê dergkerdena demê adirbestê mabênê Hêzanê Sûrîyeya Demokratîk (HSD) û hukmatê demkî yê Sûriye de eşkerayîyê dê.
Eşkerayîye de ame vatene ke adirbest ame dergkerdene la Hukmatê Şamî îdia kerd ke na game seba ke endamê DAIŞ’î rehet biresê cayê xo ama eştene.
Rayberîya Xosere da zanitene ke ey “Îdiayê hukmatî bi awayê ke zelal nîşan danê ke vijnayekê eskerî û hêrişê zêdeyî hîna serê masade rê û tehdîtê vera şarî û herême dewam kenê.
Rayberîya Xosere vengdayîşê şarî kerd ke nê şert û mercan de asta bilinde de hişyar bimanê, her tim hadre bêne û tedbîranê ewlehî îy3e ke lazimê bigêne, çike xeterî hîna zî vera şar û herêma înan est ê.
Reyna eynî eşkerayîye de vengdayîşê şarê Kurdîstan û şaranê teberê welatî ame kerdene ke çalakî û nêrazîbîyayenanê xo bidomnê. Ame vatene ke bajarê Kobanî hîna zî dorpêçkerdeyo û şarê Kobanê xoverdayîşê xo yê vera qirkerdişê ke vera înan yenê ramitene, bê mabên domnenê.
Rayberîya Xosere da nîşankerdene ke yewbîyaye vindetiş û xurtkerdena ruhê xoverdayîşî garantîyê bîngehînê vera nê zahmetîyan. Heta ke aştî, ewlehî û edelet seba şarê herême ame rastkerdene.
Peynîya eşkerayîye de ame pêhesnayene ke Rayberîya Xoserîya Demokratîke şarê xo û komela mîyanneteweyî ra garantî kena ke ey dîyalog û aştîye rê hadreyê û bale ante ser ke welatê Sûrîyeyî û şaranê ey destê şerê derg û çetinî de xeylî zeymetîyan ra ri bi ri mendo.
