Hemserekê Pêroyî yê DEM Partî Tuncer Bakirhanî badê pêvînayîşê Serekê Pêroyî yê CHP’yî Ozgur Ozelî reyde qisey kerd. Bakirhanî vat: “Nika wext ameyo ke no kayo ke 100 serran ra nat dewam keno, bêro herimnayene. Ganî no çerx bêro şiknayene.”
Bakirhan: Ganî Tirkîya kurdan esas bigîra
Bakirhanî vat: “Herême de kayêko pîs est o ke xo reyde seba şaran tena gonî ano. Nika Sûrîye de krîzêko însanî est o. Bi taybetî zî Kobanê ke binê dorpêçî de yo. Ceyran çin o, awe çin a. Domanî serdî ra mirenê. Coka ganî seba Kobanê korîdorêko însanî rew bêro akerdene. Ganî Tirkîya nê rejîmê HTŞî la kurdan esas bigîro. Sey ke we zî dî, cayê ke kurdî xo ra vetirayî de bayraqa DAÎŞî ronîyaya. DAÎŞ ne tena seba Kobanê la seba heme Tirkîya tehdît o.”
Ozel: Ganî Berê Sînorî bêrê akerdene
Ozgur Ozelî zî vat ke ê aştîya Tirkîya û Sûrîye yewbînan mîyan de vînenê û vat: “Ganî Sûrîye rew stabîl bibo û garantîya qanûnêko bingeyin ke kurd, ereb û heme şar û bawerîyan xo mîyan de hewêneno, bikewo merîyet. Ma ziwanê nefretî yê vera kurdan red kenê.”
Ozelî vat: “Seba ke hetkarîyî biresê cayê raştî ganî Berê Sînorî yê Murşîdpinarî bêro akerdene. A game do hetkarîyî biresê cayê raştî. Şaredarîyê CHP’yî wazenê hetkarî berê cuca. Ganî no bêro koordînekerdene.”
