Rayberîya Xoserîya Demokratîke yê Herêma Vakur û Rojhelatê Sûrîye hewldayena seba adirbestêko mende yê mîyanneteweyî cewab kerd va: “Vatena bêpratîke bê qimeta.”
Rayberîya Xoserîya Demokratîke yê Herêma Vakur û Rojhelatê Sûrîye derheqê eşkerayîya Amerîka-Ewropa de eşkerayîyêka nuşteyîye dê. Rayberîya Xosere eşkerayîya xo de dîyar kerd ke adirbest bi vatenan nêno viraştene û da zanayene ke halo hazir de hêrişê serê Kobanî dom kenê û ard vîrî ke tehdîtê serê sîvîlan domdarê.
‘Bi verpirsyarîye ravazê’
Rayberîya Xosere eşkerayîye de waşt ke komela mîyanneteweyîya ke piştî dana înan, bi nêzdîbîyayena cidîye hereket bikero û pawitene û weşîya şarî bêro garantîkerdene, dormeçarnayîş bêro ravaznayene û astengîya vêrnîya alîkarîya herême bêro ravaznayene.
‘Îradeyê şarê ma cehtê dişmenî ra xurtêrîyo’
Rayberîye peynîya eşkerayîya xo de hêzê ke pawitena şarî kenê silam kerdî û nîya va: “Îradeyê şarê ma heme cehdanê dişmentîye û zextkerdişan ra xurtêrîyê.”
