Platformê Sazgehanê Demokratîk ê Wanî vera hêrişanê qirkerdişî yê Rojavayê Kurdîstanî ser o bi terwbîyayîşê hezaran kesan rayîrşîyayîşêko bi heybet virazenê.
Platformê Sazgehanê Demokratîk ê Wanî seba bale biancê hêrişanê çeteyanê HTŞ û SMO’yî ser o, vernîya Wan AVM’yî de dest bi rayraşîyayîşî kerd û girse heta Parka Aştî ya Musa Anter do rayra şoro. Bi hezaran welatijê Wanî vernîya AVM’yî de ameyê pêser û bi slogananê “Bijî berxwedana Rojava” , “Yek e yek e yek e gelê kurd yek e” û “Rojava Rojhelat e Kurdîstan yek welat e” îtîrazê xo vatê.
Hemserekê Pêroyî yê Partîya Herêman a Demokratîk (DBP) Keskîn Bayindir, Parlementerê DEM Partî yê Wanî, hemşaredarê şaristanê girdî û qezayan, rayber û endamê partîyanê sîyasî, temsîlkarê sazgehanê sivîl, Dayîkê Aştî, aktîvîstê TJA û bi hezaran welatijî rayîrşîyayîşî de ca gênê.
