Welatijê Amedî derheqê hêrişanê vera Rojava qisey kerd û nerazîbîyayîşê xo îfade kerdê û vat: “Çalakîyê ma yê vera hêrişan asteng kenê. Ka way û birayîya şaran.”
Çeteyê HTŞ û SMO’yî hêrişanê xo yê vera Rojava domnenê. Vera hêrişanê Rojava ser o, Kurdîstan, Tirkîya, Ewropa û xeylê welatanê dinya de kurd û dostê înan çalakîyanê nerazîbîyayîşî kenê. Amed de zî her roje vera hêrişan çalakî yenê kerdene. Pêşengîya Sazgehanê Demokratîk de Qadê Şêx Seîd ê Amedî de nobeta piştgirîye seba Rojava gênê. Kesê ke beşdarê çalakîya nobetî bîyê, derheqê hêrişanê Rojava ser o ajansê ma rê qisey kerd û vat: “Ma way û birayanê xo yê Rojava het de yê. Labelê ê ke behsê way û birayî kenê çalakîyanê ma de astengî vejenê. Ka way û birayî?”
