Welatijê Wanî ke tewrê rayîrşîyayîşî bîyê hêrişê çeteyanê HTŞ û SMO’yî şermezar kerdê û wina vat: “Çete dewleta tirkan û dewletanê dinya ra hêz gênê û hêrişê şarê kurdî kenê. Do Rojava tu wext nêkewa.”
Platformê Sazgehanê Demoratîk ê Wanî seba ke hêrişanê çeteyanê. HTŞ û SMO’yî yê vera Rojava şermezar bikerê rayîrşîyayîşêk kerd. Welatijî ke tewrê rayîrşîyayîşî bîyê derheqê hêrişanê vera şarê kurdî de ajansê ma rê qisey kerd.
Welatijî ke Wan de tewrê rayîrşîyayîşî bîyê hêrişê çeteyanê HTŞ û SMO’yî şermezar kerdê û vat: “Do Rojava tu wext nêkewa.” Welatijan da zanayene ke nê hêrişî bi piştgirîya dewletan yenê kerdene û vat: “Ma nê hêrişan qebul nêkenê, ma do her tim Rojava het de bibê. Nê şerî dewleta tirkan a îşxalker rayra bena. Ma nê hêrişan şermezar kenê. Ganî bilez berê sînorî bêrê akerdene, hetkarî seba şarê Rojava bêra erşawitene.”
