Encamê operasyonanê qirkerdişê sîyasî yê hemverê ESP’yî de heta nika Hemserekê Pêroyî Murat Çepnî û rojnamegerî zî tede 40 kesî ameyê destbendkerdene.
Vera Partîya Sosyalîst a Bindestan (ESP), Meclîsê Cinîyanê Sosyalîst (SKM), Federasyonê Komelanê Ciwananê Sosyalîst (SGDF), DÎSK/LÎMTER-ÎŞ, Polen Ekolojî û BEKSAV’î saetanê serê sibayî de operasyonêkê qirkerdişê sîyasî ame kerdene. Encamê operasyonî de polîsan eşt xeylê keyeyan ser o. Heta nika Hemserekê Pêroyî yê ESP’yî Murat Çepnî û muxabirê Ajansê Xeberan ê Etkîn (ETHA) zî tede 40 kesî ameyê destbendkerdene. Îhtîmal est o ke hûmara destbendkerdişan vêşî biba.
Nameyê kesanî ke heta nika ameyê destbendkerdene wina yê:
Hemserekê Pêroyî yê ESP’yî Murat Çepnî, Fatoş Çelîk, Hacer Elçîn, Okan Danaci, rojnameger Pinar Gayip, rojnameger Zuleyha Muldur, rojnameger Hasan Polat, rojnameger Muslum Koyun, Emre Altan, Cemîl Aksû, Hasan Huseyîn Yeşîlova, Ahmet Bîlal Bay, Tanya Kara, Hîvda Selen, Ozlem Gumuştaş, Meral Tatar, Ugur Ok, Emrah Topaloglu, Ruşar Sabûr, Yalçin Demîr, Kanber Saygili, Fatma Saygili, Alî Haydar Saygili, Aynur Ergul, Satiye Ok, Berfîn Polat, Îlerî Devrîm Yurtsever, Beycan Karakaya, Aydin Kiliçdere, Haci Çîçek, Mehmet Acettîn, Emîn Orhan, Şahîn Tumuklu, Hatîce Endam Ozaslan, Esvet Şahîn, Huseyîn Acer, Ayşe Yilmaz û Dîlan Ergul.
Derheqê sebebê operasyonî de hema zî agahîyêka zelale nêameya girewtene. Kesî ke yenê destbendkerdene, înan benê Midurîyetê Polîsan ê Stenbolî.
