Bi qerarê mehkemaya hêzanê ewlekarî xebatê Kanalê NRT’yî yê Hewlêr û Dihokî ameyê vindarnayene. Sewbîna hêzanê ewlekarî dest da heme malzemeyê televîzyonî zî ser o.
Goreyê agahîyan bi qerarê mehkemaya hêzanê asayîşî eşt ofîsê Kanalê NRT’yî yê Hewlêr û Dihokî ser o. Ame zanayene ke ofîsî ameyê girewtene û karê kanalî ameyê vindarnayene. Rayberîya ofîsê NRT’yî yê Hewlêrî ajansê Rojnewsî rê dîyar kerd ke ofîsê Hewlêrî nika girewte yo û hêzê polîsî uca de mendê. Rayedaranê televîzyonî vat ke hêzanê ewlekarî dest dayo malzemeyanê rojnamegerî zî ser o.
Ame zanayene ke qerarê girewtişê kanalê NRT’yî pêroyê Herêma Kurdîstanî hetê mehkemaya Hewlêrî ra ameyo girewtene. Derheqê sebebê qerarê girewtişî de agahî nêameyê girewtene.
