Cagirê Serekê Pêroyî yê MHP’î Fetî Yildiz, xebata komîsyonê Meclisî îşaret kerd, ke babetê “Heqê Hêvî” de ma pê ameyê, problem çin o, do rapor de bibo.”
Cagirê Serekê pêroyî Fetî Yildiz, kombîyayîşê komîsyonê meclisî ekîbê nuştişî mabên de cewabê persê rojnamegeran daye. Yildizî derheqê raporê muşterekî de qisey kerd: “Hewteyo vernîya ma de do rapor biqedîyo. Şima do cewabê heme persanê xo tede bivînê. Heqê hêvî de ma pê ameyê, problem çin o, rapor de do bibo. Wexto ke qerarê AHÎM’î merdim bigîro verê çiman, tede heqê hêvî ra behs keno.”
CHP’yî ra Murat Emîrî zî vat: “Seba ke merdim çîyêko şênber vajo hema rew o, la ma ameyê nêzdîyê ci, ma do biresê mutabakat.”
