Wezîrê Karanê Teberî yê Fransa Noel Barrot ewro dest bi gêrayîşê xo yê Rojhelatê Mîyanênî keno. Barrot Hewlêr zî tede do zîyaretê Sûrîye, Iraq û Lubnanî bikero.
Verfekê Wezaretê Karanê Teberî yê Fransayî Pascal Confavreau eşkera kerd ke gêrê Barrotî do Sûrîye de dest pêbikero, dima şêro Îraq û Lubnan. Barrot do Sûrîyede dest bi gêrê xo bikero û Şam de bi hemmeslekê xo Esed El Şîbanî reyde pêvînayîş virazo. Sûrîye ra derbasê Bexdadî bibo bi serekwezîrê Îraqî û hemmeslekê xo yê Iraqî reyde bêro têhet.
Pabeyê ke zîyaretê Hewlêrî bikero
Yeno pawitene ke wezîrê Fransa zîyaretê Hewlêrî yê Başûrê Kurdîstanî bikero û serekê hukmatî reyde kom bibo. Confavreau vat ke zîyaretê Barrotî seba “xebitîyena bi rayedaranê federal û rayedaranê kurdan seba xurtkerdişê îstîqrarî û dewamê şerê verva DAIŞ’î” zaf muhîm vînenê.
Barrot do roja îne derbasê Beyrûtî bibo ke planê hukmatê Lubnanî yê bêçekkerdişê Hîzbulahî taqîb bikero. Wezîrê Fransa serê amedekarîya konferansê paştîdayena arteşâ Lubnanî û hêzanê emnîyetî yê zereyê Lubnanî ser o do aşma adare de Parîs de bêro viraştene, qisey bikero.
