Ame zanitene ke Rayberê Şarê Kurd Abdullah Ocalanî şerê mîyanê Kurdanê Rojavayî û HTŞ’yî de qewimîyabî ey rojanê krîtîkan de kewt mabên û heme hetan rê mesajê aştîye û muzekereyan ruşna.
Hêzê Sûrîyeya Demokratîk (HSD), pekerdişo ke Hikûmeta Demkî yê Sûrîye ra viraştbî û 30ê Çileye de raya pêroyî rê pare kerd bî. Dima pêkerdişê adirbestî ame dîyayene ke hereketê sîyasetî qadan de bî zêde. Heyetê girêdayê Şamî hem şî Kobanê, hem
zî şî Hesekê û Qamişloyî. HSD’yî seba Walîtîya Hesekê Nureddîn Îsa Ahmed dîyar kerd. Xebatê entegrasyonî zî dewam kene.
Heyetê Îmralîye yê Partîya Têduştî û Demokrasîyî ya Şaran (DEM Partî) Mîthat Sancar û Pervîn Buldan, Hemserekê pêroyî Tuncer Bakirhan da eşkerakerdene ke Rayberê Şarê Kurd Abdullah Ocalanî girêdayena na pêkerdişe de rolêka girde kaykerda.
Abdullah Ocalanî heşarîyî dayî
Ajansê Mezopotamyayî (MA) derheqê na mesela şerî de çimekanîyê sîyasî yê ke şîyêne Îmralî amêne înan de qisey kerd. Agahiyê ke DEM Partiye pare kerd bî ameyî rastkerdene û ame zanitene ke Abdullah Ocalanî nê prosesî de cehdêko gird do.
Wexto ke şer bîbî giran ey rojanê krîtîkan de Rayberê Şarê Kurd Abdullah Ocalan kewto dewre û mesajê muhîmî HSD’yî re, dewleta Tirke rê û sîyasetkaranê Başûrê Kurdistanî rê ruşnayî û hîşyarî kerdî.
Goreyê agahîyê ke kewtê dest; Ocalan prosese şerî de hem HSD’yî r3e hem aktorê siyasî yê Kurd ê Herêma Federe yê Kurdîstanî rê hem zî DEM Partî û rêveberanê dewlete rê mesajî ruşnê.
Abdullah Ocalan, dima destkerdişê hêrişanê serê Helebî hişyarîye da ke eke perse nêro çareserkerdene û hêrişî dewam bikerê, îhtîmalê zaf gonî rişîyayene bibo. Ey dîyar kerd ke no proses wayîrê dînamîkêko alozîbîyayene û eşkeno seserra vêrnîya ma biko şerê mîyanê Kurd-Tirk û Ereban.
Abdullah Ocalanî mesaj da HSD’î ke na rewşe tena bi raya muzakere û dîyalogî eşkena bêro vindertene. Reyna ame zanitene ke ey mesaj erşawito ke eke rêberîya Şamî verê xo bido demokrasi, estbîyayena kurdan bi eşkeraye qebûl biko û heqê temsîlîyetê sîyasî yê Kurdan nas bikero, HSD zî eşkena bikûyo “prosesê muzakereyî yê demokratik.”
Mesaj seba heme hetan
Ame dîyarkerdene ke Abdullah Ocalan teyna HSD’î rê nê, hêzanê sîyasî yê Kurd (KCK, sîyasetmedaranê Herêma Federe yê Kurdistanî, DEM Partî…) rê zî mesajî erşawitê. Nê peyaman de hişyarîye daya ke xetere zaf gird a, seba naye waşto ke serê bingehê yewîya demokratîk wayîrê Rojavayî vejîyê.
Dewlete rê jî mesaj erşawit…
Reyna Abdullah Ocalanî mîyanê ê prosesî de hişyarîyêk zî daya dewlete û desthilatdaran. Goreyê çimekanîyan; Abdullah Ocalanî dewlete û desthilatdaran rê zî mesajê “Mebê parçeyê plano ke amancê xo tasfîyekerdena Kurdan keno” erşawit. Ey hişyarîye de terefê nê hêrişanê vera kurdan bîyayîş beno sebebê şikîyayîşanê girdan û encamanê girananê nêrindan. No semed ra mesajê “rolêka pozitife kayî bikerê” erşawit.
Pêkerdiş bi îradeyê Abdullah Ocalanî virazîya
Pêkerdişo ke 30ê Çileye de ame eşkerakerdene piştîdayene û îradeyo tam ê Abdullah Ocalanî kewt vîyartbarîye. Ame zanitene ke Serekê pêroyî yê PDK’î Mesûd Barzanî û Serekê YNK’î Bafil Talabanî zî nê prosesî de bi piştîdayena Ocalanî ser rolekî muhîme kaykerde.
