Welatijanê Norşînî bale ante yewîya neteweyî ya kurdan ser o û vat: “Kurdî yew ê, Kurdîstan yew o. Ma do wayîrê Rojava vejîyê.”
Qezaya Norşîn a Bêdlîsî de seba caardişê “heqê hevî” yê Rayberê Şarê Kurdî Abdullah Ocalanî û paştîdayîşê Rojavayê Kurdîstanî çalakîyêk ameye viraştene. Bi hezaran welatijî tewrê çalakî bîyê. Çalakî de pankartê “Rojava rûmeta me ye” û “Jin Jiyan Azadî” ameyê akerdene, sloganê “Bijî berxwedana Rojava” , “Rojava Rojhelat e Kurdîstan yek welat e” , “Jin Jiyan Azadî” , “Bijî Serok Apo” û “Bijî yekîtîya gelê Kurd” ameyê vatene.
Welatijê ke tewrê çalakîyan bîyê Ajansê welat ra qisey kerd û bale ante caardişê yewîya neteweyî ya kurdan ser o û dîyar kerd ke kurdî yew ê, Kurdîstan yew o û vat: “Ma do nêverdê Rojava tena bimano. Kurdîstan wayîrê Rojava vejîyeno.”
