14ê sibate de sere de Strasbourg bi desan bajaran de bi şîarê ”Rayber Apoyî rê azadîye, Rojawanî rê statu” do çalakîyî bêrê kerdene. TJK-E û KCDK-E semedê tewrbîyayîşê çalakîyan veng da.
TJK-E û KCDK-E semedê tewrbîyayîşê çalakîyan veng da veg da û nê vatî: ”Kompleyê 15ê sibate ke hetê hêzanê mîyanneteweyî ra ame kerdene serkşîya Rayber Apoyî de bi xoverdayîşê şarê kurdî ser nêkewt. Komployo ke 27 serrî cuwa ver ame betalkerdene ewro bi hêrişê vera Rojawanî yeno waştene ke bêro dewamkerdene. Badê hêrişanê qirkerdişanê vera Rojawanê Kurdîstanî çar parçeyanê Kurdîstanî û Ewropa de kurdî û dostê înan wiriştî payan ser û tewirê xo mojna ra. Şarê ma bi ruhê xoverdayîşê yê vera komployê 15ê sibate hêrişê Rojawanî betal kerdî û kuçeyî açarnayîşê serhildanan. Waştişê komploker û hemkaran ê tarîdeverdayîşê Kurdîstan û Rojhelatê Mîyanênî qirika înan de mend.
Serrgêra komployê 15ê sibate de hêrişê barbarî ke Heleb de ameyî destpêkerdene û vera Rojawanê Kurdîstanî dewam kenê, bi xoverdayîşê yewîya neteweyî ya kurdan zafê ci ame betalkerdene. Rojhelatê Mîyanênî, Kurdîstan û Tirkîya de vera şerê taybetî ke vera azadî û xelisnayîşê cinîyan yeno rayraberdene, bi mîlyonan serkêşîya cinîyan de derûdorê slogana ‘Jin, Jiyan, Azadî’ ameyî têhet û xoverdayîşê xo xurtêr kerd.
Ma sey TJK-E û KCDK-E vera komployê 15ê sibate û hêrişanê qirkerdişî yê vera Rojawanî veng danê şar û dostanê xo ke sere de rayraşîyayîşo merkezî yê Strasbourgî, Îngîlîstan, Avustralya, Kanada, Avusturya, Îskandinavya, Marsilya, Îtalya, Yunanîstan û Kibris û xeylê merkezanê bînan de çalakîyê ke 14ê sibate de do bi şîarê ”Rayber Apoyî rê azadîye, Rojawanî rê statu” bêrê kerdene, wa tewrê ci bibê.”
