Goreyê televîzyonê dewlete yê Îranî pêvînayîşê turo dîyin ê Amerîka û Îranî yê nerasterastî Cenevre de Sersefîrîya Ummanî de dest pêkerd.
Goreyê xebera televîzyonê dewlete yê Îranî ame eşkerakerdene ke pêvînayîşê Cenevreyî de heyetê Îranî pêşengîya Wezîrê Karanê Teberî yê Îranî Abbas Arakçi de beşdar beno. Amerîka zî Şêwirmednê Serekê Amerîkayî Donald Trump û Temsîlkaro Taybet ê Rojhelatê Mîyanênî Steve Witkoff û Zamayê Donald Trumpî Jarad Kuşhner temsîl kenê. Serekê Amerîkayî Donald Trumpî zî eşkera kerd ke do rasterast beşdarê nê kombîyayîşî nêbî.
Wezîrê Karanê Teberî yê Ummanî Badr bin Hamad el Busaidi kombîyayîşî koordîne keno. Çarçewaya pêvînayîşan de Temsîlkarê Amerîkayî Witkoff û Wezîrê Karanê Teberî yê Îranî Abbas Arakçi cîya-cîya Wezîrê Karanê Teberî yê Ummanî Busaidi reyde ameyê têhet.
Televîzyonê Dewleta Îranî dîyar kerd ke Arakçi pêvînayîşê Busaidi reyde dîyar kerdo ke ganî Amerîka ambargoyanê Îranî ser o hewana û fikrê Îranî yê derheqê programê nukleerî de îfade kerdê.
Ame vatene ke derheqê fikrê Amerîka de hema zî agahî nêameyê girewtene.
