Hesekê û Qamişlo de cinî seba piştgirîya YPJ û destkewteyanê şorişê cinîyan rayra şîyî û vengdayîşê têkoşînî kerd.
Şaristananê Hesekê û Qamişlo de Kongra Star seba piştgirîya Yewîneyanê Pawitişê Cinî (YPJ) û destkewteyanê şorişê cinîyan Rojava de 2 rayîrşîyayîşê girdî kerdê. Qamişlo de bi hezaran cinî Qadê Osman Sebrî de ameyê têhet, bi vatişê slogananê, “Jin Şoreşa Rojava diparêzin” û “Jin jiyan azadî” dest bi rayîrşîyayîşî kerd. Cinî endamanê YPJ’yî reyde mil bi mil seba pawitişê hêzê YPJ û destkewteyanê Şorişê Rojavayê Kurdîstanî rayra şîyî. Sewbîna rayîrşîyayîşî de xeylê pankart û dowîzê ameyê girewtene ke bale ancenê destkewteyanê Şorişê Cinîyan û vengdayîşê wayîrvejîyayîşê destkewteyan kenê.
Vengdayîşê xurtkerdişê têkoşînî
Hesekê de bi seyan cinî bi eyn amancî merkezê şaristanî de kom bîyê. Cinîyan bi seyan alê YPJ’yî hewanayê û pankartê, “Cinî Şorişê Rojava pawenê” akerd. Rayîrşîyayîşê ke Çatrayîrê Marşoyî de dest pêkerd, kuçeyanê Hesekê de demêko derg dewam kerd. Rayîrşîyayîşî de sloganê, “YPJ hêza parastinê ye” û “Jin jiyan azadî” ameyê vatene. Sewbîna dowîzê ke waştişê heqanê cinîyan bi qanûnan bêrê teqezkerdene îfade kenê, ameyê girewtene. Qiseykerdişan de ke ameyê kerdene, vengdayîşê pawitişê destkewteyanê cinîyan, xurtkerdişê estbîyayîşê înan sazgehanê cîya yê komelkî de ame kerdene.
