Kampanyaya ‘Roja Sêşeme Dardekerdişan rê Nê’ eşekra kerd ke Îran de mîyanê aşmêk de zafêrê 350 kesî ameyê dardekerdene.
Kampanyaya ‘Roja Sêşeme Dardekerdişan rê Nê’ ke vera caardişê cezayanê dardekerdişan Îran de ameyê destpêkerdene, hewteyo 109. de derheqê dardakerdişan de eşkerayî daye. Goreyê eşkerayîye merasîmê cenazayanê çalakîkeranê Rojhelatê Kurdîstan û Îranî bîyê sey sembolê nerazîbîyayîşan. Eşkerayî de ame vatene ke merasîman de vera îqtîdarî sloganî yenê eştene û kesê ke ameyê kiştene, yenê yadkerdene.
Vengdayîşê ‘vernîya kiştişê gedeyan bigîrê’ merdimîye rê ame kerdene
Goreyê aktîvîstan kampanyayî veng dayo raya pêroyî, rêxistinanê heqanê merdiman û azadîwazan ke bibê vengê girewteyan û vato ke meverdê gedeyî hetê rejîmo zalimkar ra bêrê kiştene. Eşkerayî de keyeyanê girewteyan rê vengdayîş ameyo kerdene ke wa rewşa gedeyanê xo yê girewteyan vajê, vengê xo berz bikerê û vera tedayanê rejîmî bibê wayîrê helwêst.
