Tîma Amedsporê ku bû mêvanê Keçîorengucuyê, bi ser ket û 3 puan bi dest xist.
Tîma Amedsporê ku di Lîga 1emîn a Federasyona Futbolê ya Tirkiyeyê (TFF) de di pêşbaziyê de ye, di hefteya 31emîn de bi tîma Ankara Keçîorengucuyê re hat hemberî hev. Lîstik li Stadyuma Aktepeyê ya Keçîorenê pêk hat. Ji ber “qedexeya deplasmanê ya maçekê” alîgirên Amedsporê nikaribûn têkevin qadê.
- Amedspor di maçê de bi 2-1 ser ket û 3 puan bi dest xist. Tîma Amedsporê gola ewil di deqîqeya 2yemîn de avêt lê belê ji ber ofsaytê gol nehat qebûlkirin. Gola din a ewil di deqeya 17an de ji aliyê Velî Çetîn ê Amedsporê ve hat avêtin. Di beşa duyemîn a pêşbaziyê de futbolîstê Amedsporê Sînan Kûrt qerta sor wergirt û ji qadê hat derxistin. Amedspor bi qasî 35 deqîqeyan bi 10 futbolîstan têkoşiya. Velî Çetîn vê carê bi şaşî gol avêt qaleya xwe û maç bû 1-1.
Amedspora ku bi 10 kesan lîst, di qedeyên dawî de penaltî qezenc kir. Futbolîstê Amedsporê Daniel Moreno bi penaltiyê gol avêt û Amedspor 2-1 bi ser ket.
Piştî serketina Amedsporê li ser platformên medya dîjîtal gelek kesî Amedspor pîroz kir. Gelek kesan ev serketina wek pîrozkirina Cejna Remezanê qebûl kirin û parvekirin pêk anîn.
