Amerîka bi balafirên bambebaranê ya B-52 li seranserê bajarên mezin ên Îranê; Îran jî bi hêzên wekîl ên hevkarên xwe asta şerê heyî mezin dikin.
Fermandariya Navendî yê Amerîkayê piştrast kir ku wan bi balafirên bombebaranê yên stratejîk ên B-52 di çarçoveya Operasyona Epic Fury (Operasyona Hêrsa Destanî) de li Îranê xistine. Di berdewama şerê 16 rojan de Îran jî li gel hêzên wekîlên yên xwe ên Hizbullah û Haşdî Şabî şerê li dijî Amerîka û Îsraîlê li heremê şerê heyî belavî herêmê dike.
CENTCOM: Me B-52an li Îranê xist
Di şer de bandora şerê balafirên şer yên B-52 yên Amerîkayê zêde ye. Fermandariya Navnedî ya Amerîkayê (CENTCOM) li ser hesabên xwe yên medya dijîtal piştrast kir ku balafirên B-52 îro serê sibê tevî Tehranê gelek bajarên mezin ên Îranê bombebaran kirine. Medya heremî ya Îranê jî eşkera kir ku dengê gelek teqînên mezin hatine bihîstin.
Li gorî Iran Internationalê duh bi şev û îro destpêka rojê re li bajarên mezin ên li seranserê Îranê teqîn hatine kirin ragihand û derbarê êrişan de dîmenek parve kir. Di dîmenê de jî dixuye ku îro serê sibehê li seranserê başûrê Tehranê “teqînên bihêz” pêk hatine û niştecihên li heremê jî êrişan wekî êrişên pir giran bi nav kirin.
20 deqeyan de denge 20 teqinên mezin hat
Her wiha tê gotin ku di sibeha îro de li nêzîkî Şîrazê di nava 20 deqeyan de nêzî 20 teqîn hatine bihîstin. Li gor agahiyên hatin dayîn li wê heremê balafirgeha Şîrazê û baregeheke hewayî jî heye. Wekî din, N12 News a Îsraîlê dîmenek belav kir ku piştî êrişa li Îsfahanê duman hilkişî li esman. Dîmenek jî dide xuyakirin ku şeva borî ji Bendera Jaska li Hormozganê, nêzîkî Kendava Hurmuzê, duman li esman belav dibe.
Dûman li Hurmuzê jî bilind bû
Kendava Hurmuzê ji bilî Amerika û Îsraîlê ji her kesî re vekirî ye, wezîrê derve yê Îranê Araghçi derbarê mijarê de wiha axivî û got ku keştiyên din azad in ku derbas bibin. Her çend gelek ji ber “metirsiyên ewlehiyê” tercîh dikin ku derbas nebin. Araghçi îdia kir ku or eleqeya wan bi Îranê re nîne.
Trump: Ji bo vekirina Kendava Hurmuzê dê piştgirî zêde be
Serokê Dewletên Yekbûyî yên Amerîkayê (DYA) Donald Trump diyar kir ku ji bo jinûve vekirina Kendava Hurmuzê hin welatên din jî dê piştgiriya leşkerî bikin Amerîkayê û wiha got: “Gelek Welat, bi taybetî yên ji ber hewldana Îranê ya girtina Kendava Hurmuzê bandor bûne, dê bi hevkariya Amerîkayê keştiyên şer bişînin, da ku Kendavê vekirî û ewle bihêlin.” Yekem care ku Trump piştgiriya navneteweyî ya ji bo Kendava Hurmuzê dixwaze.
Amerîkayê nasnameya 6 leşkerên di balefira ketiye de mirine eşkere kir
Wezareta Parastinê ya Amerikayê roja Şemiyê nasnameya şeş leşkerên ku di qezaya balefira leşkerî ya dagirtina sotemeniyê de jiyana xwe ji dest dabûn, eşkere kir. Balefir roja Pêncşemê dema ku ji bo balefirên şer yên li hewayê re sotemeniyê dabîn bike rabûbû û ketibû.
Hurmuz ji bilî Amerîka, Îsraîl û Îranê ji herkesî re vekiriye
Wezîrê Karên Derve yê Îranê Abbas Arakçî got ku Kendava Hurmuzê ji bilî DYA û Îsraîlê ji her kesî re vekiriye. Arakçî diyar kir k keştiyên din azad in ku derbas bibin. Her çend gelek keştî ji ber fikarên ewlehiyê derbas nebin jî Arakçî îdia kir ku fikarên ewlehiyê yên keştiyên din eleqeya xwe bi Îranê re nîne. Tevî daxuyaniya Serokkomarê Îranê Araqçi ya derbarê Kendava Hurmuzê jî keştiyên sotemeniyê yên ji kendavê derbas dibin dibin hedefa bombe û moşekên Îranê.
Îranê gefê li Îmaratê xwer
Îranê duh cara yekem gefa êrîşkirina li ser binesaziya welatekî cîran xwar û bang li xelkê kir ku sê benderên sereke yên li Mirektiyên Yekbûyî yên Ereb (Îmarat) vala bikin. Tehranê îdia kir ku artêşa Amerîkayê wan ji bo êrîşan bi kar tîne.
Şêwirmendê serokê Îmaratê Anwar Gargash demildest bersiv da Arakçî û got: “Ev yek polîtîkayeke tevlihev nîşan dide. Îdiayên Wezîrê Karên Derve yê Îranê yên Arakçî ya ‘Amerîkayê Îmaratê ji bo êrîşên xwe yên li ser Girava Karg a Îranê bi kar tîne’ me tawanbar dike ne nast e.
Welatên Kendavê êrîşên nû radigihînin
Li Behreynê beriya êrişeke roja Yekşemê siren lêdan. Heman demê de Îmaratên êrîşeke mûşekî ragihand û bang li niştecihan kir ku xwe li cihên ewle biparêzin.
Wezareta Parastinê ya Erebistana Siûdî ragihand ku sîstemên wan 10 dron li ser paytext Riyad û herêma rojhilatê Siûdiyê îmha kirin.
