Berdevka berê ya TJA’yê Ayşe Gokkan di danişîna yekem a ji nû ve darizandina xwe de parastina xwe kir û anî ziman ku bi şertê ku azadiya fizîkî ya Rêberê Gelê Kurd Abdullah Ocalan were misogerkirin wê pêvajo dê bigihêje encamê.
Daîreya Cezayê ya 3yemîn a Dadgeha Bilind cezayê girtîgehê yê berdevka berê ya Tevgera Jinên Azad (TJA) Ayşe Gokkan ku ji ber du tohmetên “endamtiya rêxistinê” (salek 12 sal û ya din 7 sal û 6 meh) hatibû birîn, betal kir. Cezayê 30 sal ê girtîgehê yê ku ji hêla Dadgeha Cezayê Giran a 9’emîn a Amedê ve hatibû birîn, qismî betal kir: 19 sal ji bo “endamtiya rêxistinê”, 7 sal û 6 meh ji bo “bi zanebûn û bi dilxwazî alîkarî û hewîkirina rêxistinê kiriye” û 3 sal ji bo “propagandaya rêxistinê” hatibû birîn. Danişîna yekem a doza ku Ayşe Gokkan jê dihat darizandin, li Dadgeha Cezayê Giran a 9’emîn a Amedê hate dîtin. Ayşe Gokkan bi rêya Sîstema Agahiyên Deng û Dîtbarî (SEGBÎS) ji Girtîgeha Jinan a Sîncanê ya ku lê girtiye, beşdarî danişînê bû. Parêzerên wê Berfin Lutfiye Gokkan û Muharrem Şahin li salona dadgehê amade bûn. Malbata Ayşe Gokkan û gelek endamên TJAyê jî danişînê temaşe kirin.
Berdevka berê ya TJAyê Ayşe Gokkan di danişîna yekem a jinûve darizandina xwe de parastina xwe kir û diyar kir ku ew piştgiriyê dide banga Rêberê Gelê Kurd Abdullah Ocalan û bi şertê ku azadiya fizîkî were misogerkirin wê pêvajo bigihêje encamê.
Piştî navberê, heyeta dadgehê biryar da ku di dosyayê de xalên kêm hene û divê girtina Ayşe Gokkan berdewam bike û danişîn taloqî 11ê Îlonê kir.
