Serokê YNKê Bafil Talabanî bal kişand ser bûyerên li Herêma Kurdistanê û Iraqê rû didin û got: “Di vê demê de alozî û xeteriyên mezin hene divê parastina aramiya welatiyên xwe esas bigirîn.”
Serokê Yekîtiya Niştîmanî Kurdistanê (YNK) Bafil Talabanî têkildarî alozî û bûyerên li Iraq û Herêmê peyamek da. Talabanî di peyama xwe de wiha got: “Di vê demê de ku herêma me rû bi rû yê alozî û nearamiya giran tê, nabe ku biryarên ku bandorê li ser çarenûs û jiyana gelê me bike, bi rengekî yek alî bê girtin. Hikûmeta Herêma Kurdistanê hikûmeteke piralî ye û divê hemû alî li gorî vê xwedî helwest be.
Niha ne dema alozî, nakokî û zêdekirina aloziyên siyasî ye. Xelkê me hêjayî jiyaneke aram û bextewere û di dema xwe de mûçeyên xwe bigirin. Niha dema yekîtiyê ye li hemberî ew xeteriyên mezin ku dixwazin me bixin navê.
Em piştgirî didin diyaloga avakar yên li gel hevparên me li Hewlêr û Bexda ji bo parastina aramiya Herêma Kurdistanê û Iraqê. Divê di heman demê de em piştrast bikin ku aramiya welatiyên xwe nexin metirsiyê.”
