Ji damezrînerên PKKê Alî Haydar Kaytan û Riza Altûn dê sibê li Dêrsimê werin bibîranîn. Parlamenterên DEM Partiyê banga beşdariya bernameya bîranînê kirin.
Ji bo ji damezrînerên PKKê Alî Haydar Kaytan û Riza Altûn dê sibe li Dêrsimê bîranîneke girseyî were lidarxistin. Parlamenterên DEM Partiyê, nûnerên komeleyên Elewiyan û rêxistinên civaka sivîl jî di nav de, şandeyek ji bo beşdariya bîranînê çûn serdana dikandaran û welatiyan. Şandeyê bang li welatiyan kirin ku beşdarî bîranîna sibê bibin.
Di serdanê de şandeyê bal kişandin ser “Banga Aştî û Civaka Demokratîk” a Rêberê Gelê Kurd Abdullah Ocalan jî û girîngiya bîranînê vegotin.
Bername dê saet di 13.00an de li Meydana Seyîd Riza were lidarxistin.
