Nûnerê Trump ê Taybet ê Sûriyeyê Tom Barrack dê îro serdana Îsraîlê bike û bi Serokwezîrê Îsraîlê Benyamîn Netenyahû re rewşa dawî ya têkiliyên Sûriye û Îsraîlê nîqaş bike.
Nûnerê Trump ê Taybet ê Sûriyeyê Tom Barrack dê îro serdana Îsraîlê bike. Piştî hevdîtinên bi armanca çêkirina peymaneke ewlehiyê ya di navbera Îsrîl û Hikûmeta Demkî ya Sûriyeyê de xitimîn yekem car e Barrack serdana Îsraîlê dike. Çav li rê ye ku Barrack bi Serokwezîrê Îsraîlê Benyamîn Netanyahû û rayedarên din ên Îsraîlê re bê cem hev. Li gorî agahiyên rayedarên Îsraîlê dan çapemeniya vî welatî di rojeva Tom Barrack de nîqaşkirina pirsgirêkên di navbera Sûriye û Îsraîlê de hene. Demeke di navbera Îsraîl û Sûriyê de ji bo çêkirina peymaneke ewlehiyê nîqaş tên meşandin lê hefteya borî Wezîrê Karên Derve yê Îsraîlê Aron Saar diyar kiribû ku hevdîtin xitimîne û ji lihevhatinê gelek dûr in.
Berpirsên di rêveberiya DYAyê de anîbûn ziman ku Trump ji çalakiyên dawî yên Îsraîlê yên li ser axa Sûriyeyê nerazî ye.
