Komîsyona Jinan a OHDa Stenbolê têkildarî kuştina 6 jinan daxuyanî da û diyar kir ku polîs bi awayekî bêcidiyetê nêzî jinan dibin û bûyeran wekî “bûyerên di nava malbatê” pênase dikin û hat gotin: “Bêcezahiştina faîlan bi awayekî veşartî cesaretê dide faîlan. Divê dîsa dewlet bibe terefê Peymana Stenbolê û biryarên qanûna 6284an bêkêmasî bicih bîne.”
Di 20ê Sibatê de 6 jin ji aliyê mêran ve hatin kuştin. Li Stenbolê Fîlîz Şagbanul ji aliyê Giyasettîn Şagbangul ve, li Gebzeyê Aylîn Polat Dag ji aliyê Erdal Dag ve, Li Wanê Gonul Alkan ji aliyê Kemalettîn Alkan ve, li Osmaniyeyê Îlknur Kor ji aliyê Semîh Onar ve û li Aksarayê Kubra Kiliç û Zeynep Ayaz ji aliyê Tolga Kuş ve hatin kuştin.
Komîsyona Jinan a OHDa Stenbolê têkildarî kuştina jinan li avahiya xwe ya Beyogluyê daxuyanî da. Endam û rêveberên OHDê û gelek parêzerên jin tev li daxuyaniyê bûn. Daxuyanî ji aliyê endama Komîsyona Jinan a OHDê ya Stenbolê Şeyma Aladag ve hat xwendin.
Şeyma Aladag diyar kir ku berî çend rojan li Tirkiyeyê 6 jin ji aliyê mêran ve hatin kuştin û got: “Ev kuştin asta qirkirina cînsî aşkere dike. Sepanên desthilatdar ên li qadê aşkereye ku jin dema ji bi gilî û gaziyê serlêdan dikin, polîs bi awayekî bêcidiyetê nêzî jinan dibin û bûyeran wekî ‘bûyerên di nava malbatê” pênase dikin. Jinan dîsa dişînin li malên ku tundî dibînin. Derfetên ku jin xwe ji stirîn kêm in, alîkariyên aborî nayên dayîn û xizmetên psîkolojîk jî tune ye. Ev tevahî pêkanîn jinan bêparastin dihêle. Biryarên ji dûr ketin neyên şopandin. Îhlal nayên dîtin.”
Şeyma Aladag anî ziman ku biryarên tên dayîn li ser kaxezê dimîne û wiha got: “Dozgerî û dadgehên malbatê divê tedbirên parastinê demildest bidin. Li dijî îhamalan sekna peywîrdaran bergiritina kuştina jinan kêmasiyan derdixe holê. Di darizandina faîlan de em bêceza hiştin an jî daxistina cezayan gelek dibînin. Ev jî dadê ji holê radike û bi awayekî veşartî cesaretê dide faîlan. Divê dîsa dewlet bibe tarefê Peymana Stenbolê û biryarên qanûna 6284 bi kêmasî bên bicih anîn.”
