Komîsyona Meclîsê di civîna xwe ya dawî de rapora hevpar pejirand û dê rapor ji bo Desteya Giştî ya Meclîsê bê şandin. Ji niha şûn ve pêşniyarên di raporê de divê weke qanûn bên amadekirin. Dê êdî çavê raya giştî li ser pêşniyarên raporê be ku dê Meclîsê de çi biryar li serê bê dayîn.
Komîsyona Meclîsê ya ku di 5ê Tebaxa 2025an de li ser daxwaz û pêşniyara Rêberê Gelê Kurd Abdullah Ocalan hate damezrandin. Komîsyonê heta îro li gelek kesayet, sazî, dezgeh û aliyan guhdarî kir û pêşniyarên wan kir zabit. Komîsyon di encama nîqaş û hewldanên zêde de çû Îmraliyê û bi Abdullah Ocalan re hevdîtin pêk anî. Komîsyonê civîna îro jî di nav de heta îro 21 civîn li dar xist. Civîna îro li ser bidawîkirina rapora hevpar encam da û rapor bi 47 dengan hate pejirandin.
Di raporê de 7 xal ango bend hatine nivîsandin û di binê van xalan de jî sernavên mijaran û tiştê dê bên kirin nirxandin hatine kirin. Rapor bi tevahî ji 83 rûpelan pêk tê û ev bendên raporê ango pêşniyarên di nava raporê de ji bo Desteya Giştî ya Meclîsê bê şandin. Hemû partiyên siyasî yên endamên Komîsyonê û bêtir jî endamên DEM Partiyê li bendê ne ku pêşniyarên hatine kirin, li Desteya Giştî ya Meclîsê wek qanûn bên amadekirin.
Xalên di raporê de cih digirin bi vî rengî ne:
1 – XEBATÊN KOMÎSYONÊ
* Pêvajoya ber bi avakirina Komîsyonê ve çûye
* Avakirina Komîsyonê, prensîbên xebat û binyadê
* Rêgezên ku di esasiya teşekula Komîsyonê de hatine girtin
* Têgihiştina Demokratîk a Xebatên Komîsyonê
* Ji bo Komîsyon bibe civakî girîngiya wê û pêşîkiya wê
2 – ARMANCÊN BINGEHÎN ÊN KOMÎSYONÊ
* Armanca “Tirkiyeya bêteror”
* Armanca Hêzdarkirina Demokrasiyê
* Armanca Zêdekirina Refaha Pêşveçûnê û Aboriyê
3 – REHÊN DÎROKÎ Û HIQÛQ BIRATIYA TIRK Û KURDAN
4 – QADÊN MUTABAKATIYA KESÊN LI KOMÎSYONÊ HATINE GUHDARÎKIRIN
5 – XWEFESIXKIRINA PKKÊ Û ÇEKDANÎN
6 – PÊŞNIYAZÊN GUHERTINÊN QANÛNÎ YA TÊKİLDARÎ PÊVAJOYÊ
* Asta Krîtîk: Çekdanîna Rêxistinê
* Guhertinên Qanûnî yên ku Tevkariya Civakî bi Hêz bike
* Rewşa endamên rêxistinê
* Tevkariya Civakî
* Mekanîzmaya Şopandinê û Raporkirin
* Temînkirina Ewlehiya Qanûnî ya Kesên di Pêvajoyê de Peywîr Girtin e
7 – PÊŞNIYARÊN TÊKILDARÎ DEMOKRATÎKBÛYÎNÊ
* Biryarên Dadgeha Mafên Mirovan a Ewropayê (DMME) û Dadgeha Destûra Bingehîn (AYM)
* Guhertinên Têkildarî Darizandin û Înfazê
* Guhertinên Têkildarî Berfirehkirina Maf û Azadiyan
* Rêveberiyên xwecihî
Berfirehiya rapora hevpar wiha ye: TASLAK_milli_dayanisma_rapor_ (1)
