Şûnwarên dîrokî Pira Malabadê û Şikeftên Hesûnê yên li navçeya Farqînê bi xweşikiya berfê xemilîn.
Li Bakurê Kurdistanê îsal berf xweş lê dike û dibare. Ji ber ku salên bihûrî berf kêm dibariya hişkesaliyê bi xwe re dianî. Lê îsal zivistan bi şilî ango bi berf û baran derbas dibe. Yek ji van bajarên ku herî zêde îsal berf lê dibare jî Amed e.
Navçeya Farqînê ya Amedê bi şûnwarên xwe yên dîrokî tê zanîn. Berfa ku duh bi şev lê kir, Pira Malabadê û Şikeftên Hesûnê yên dîrokî xemiland.
Xweşikiya berfê şûnwarên dîrokî jî di nav bedewiya xwe de hiştiye û xemla berfê li xemla dîrokê zêde kiriye.
Wêne: Necdet Yenturk
