Li navçeya Golmarmara ya Manîsayê, êrîş û hewildanên qirkirinê yên ser Rojava bi meş û daxuyaniyekê hat şermezarkirin û wiha hat gotin: “Berxwedana gelan nayê şikandin.”
Rêxistina DEM Partiyê ya Golmarmarayê, li ber avahiya rêxistinê yê navçeyê bi boneya piştgiriya berxwedana Rojava daxuyanî da. Di daxuyaniyê de pankarta “Xwedî derketina li Rojava, xwedî derketina li mirovahiyê ye, Rojava wijdan e, berxwedan e, azadî ye; nayê teslîmgirtin, Rojava xeta me ya sor e” hat vekirin
Girseya ku xwest bi meşekê bal bikêşe ser komkujiyan rastî astengiya polîsan hat. Girse bi ser vê yêkê daxuyaniya çapemeniyê li dar xist. Hevserokê Navçeya Golmarmarayê yê DEM Partiyê Fuat Çakir ve hat xwendin.
‘Rojava Îradeya Gelan e’
Fuat Çakir di daxuyaniyê de destnîşan kir ku êrîşên li ser Rojava bi piştgiriya hêzên navneteweyî û herêmî tên kirin û wiha got: “Êrîşên li ser Rojava ne tenê pevçûnek e; ev şereke plankirî ye ku dixwazin bi destê hêzên mêtingeh hilweşînekê pêk bînin. Sedema hedefgirtina gelê Kurd zelal e: Rojava îradeyek e ku li ber planên qirêj serî natewîne û nûnertiya rastiya gelekî azad dike.”
Di berdewama axaftina xwe de Fuat Çakir ji bo Dewletên Yekbûyî yên Amerîkayê (DYA) û hêzên din dîplomasî bûye amûreke veşartina komkujiyan û wiha pê de çû: “Piştgiriya bi Rojava re ne tenê tercîhek e, berpirsyariyeke mirovî ye. Ev ne meseleya ewlehiyê, meseleya tunekirinê ye. Lê bila baş bê zanîn; berxwedana xwe dispêre îradeya gelan, nayê şikandin. Tarîtiya cîhadîst û înkar dê têk biçe; têkoşîna azadî, wekhevî û aştiyê dê bi ser bikeve.”
Di daxuyaniyê de gelek caran dirûşma ‘’Bijî berxwedana Rojava’’ hat berzkirin.
Daxuyanî piştî çalakiya rûniştinê bi dawî bû.
