Dewleta Tirk her roj bi balafirên şer ên SÎHA êrîşî Bakur û Rojhilatê Sûriyeyê dike. Li Tişrînê di encama êrîşa îro ya SÎHA de rojnameger Egît Roj jiyana xwe ji dest da.
Dewleta Tirk her roj bi balafirên şer ên bêmirov êrîşî Bakur û Rojhilatê Sûriyeyê dike. Di êrişa îro ya SÎHA de rojnameger Egît Roj jiyana xwe ji dest da. Di êrîşên SÎHA yên Tirkiyeyê de herî dawî di 27ê çile de Rojnameger Azîz Koyluoglu hatibû kuştin. Di 2024an de jî di êrîşa SÎHA yên Tirkiyeyê de 5 rojnameger hatibûn kuştin.
Di hedefa wan re rojnameger hene
Di 5 salan de 12 rojnamevan hatin kuştin. Rojnamevanên ku ji roja ku êriş didomin û vir ve geşedanan dişopînin û dikin nûçe, rastî êrişên SÎHA an jî topan tên. Ji sala 2019an û vir ve tenê li Bakur û Rojhilatê Sûriyeyê û Herêma Kurdistana Federe hejmara rojnamevanên hatine qetilkirin herî kêm 13 ye. Di êrişan de heta niha herî kêm 8 rojnameger birîndar bûne.
* 11 Cotmeh 2019: Rojnamevan Vedat Erdemci û Dilovan Gever di êrişa hewayî ya li Serêkaniyê de jiyana xwe ji dest da.
* 13 Cotmeh 2019: Nûçegihanê ANHAyê Seed Ehmed û nûçegihanê Çira TVyê Mihemed Hisên Reşo di encama bomberdûmana li Serêkaniyê de jiyana xwe ji dest dan.
* 2019: Endamê Çapemeniya Frî Bor Marîncîr Zîzis Sînke di dema bomberdûmana Til Temirê de jiyana xwe ji dest da.
04 cotmeh 2022: Rojnameger Nagîhan Akarsel li Silêmaniyê bi sûîkastekê hat kuştin.
* 19 Mijdar 2022: Nûçegihanê ANHAyê Îsam Ebdullah di êrişa hewayî ya li Dêrikê de jiyana xwe ji dest da.
* 23 Tebax 2023: Li ser rêya Qamişlo-Amûdê wesayîta Jin TVyê hat teqandin. Di êrişê de xebatkarê Jin TVyê Necmedîn Feysel El Hac Sînan jiyana xwe ji dest da û nûçegihan Delîla Egîd jî birîndar bû.
* 8 Tîrmeh 2024: Li dijî wesayîta xebatkarên Çira TV û Çira FMê yên ku li Şengalê nûçe dişopandin, êrişa hewayî hat lidarxistin. Nûçegihanê ÇÎRA TV’yê Mûrat Mîrza ku di encama bomberdûmanê de birîndar bûbû, di 11ê Tîrmeha 2024an de jiyana xwe ji dest da.
* 23 Tebax 2024: Li navçeya Seyîdsadiq a Silêmaniyê wesayîteke şîrketa çapemeniyê Chatr Production bi SÎHAyan hat bombekirin. Di êrişê de rojnamevan Gulistan Tara û Hêro Behaddîn jiyana xwe ji dest dan û 6 rojnamevan jî birîndar bûn.
* 19 kanûn 2024: Rojnamevan Nazim Daştan û Cîhan Bîlgîn ku geşedanên li Bakur û Rojhilatê Sûriyê dişopandin, li ser rêya di navbera Bendava Tişrîn û bajarokê Sirînê di encama êrişa SÎHAyê de jiyana xwe ji dest dan.
* 27 çile 2025: Kordînasyona Giştî ya YRDê aşkera kir ku rojnameger Azîz Koyluoglgu di 27ê çileyê de li navçeya Ranya ya Silêmaniyê di encama êrişa SÎHA ya dewleta Tirk de hatiyê kuştin.
15 sibat 2025: Rojnameger Egît Roj di êrîşa SÎHA ya Tirkiyeyê de jiyana xwe ji dest da.
Di êrîşên DAIŞ û PDKê de jî rojnamevan hatin kuştin
*8 Tebax 2014: DAIŞê berê xwe da Mûsil û Mexmûrê û êriş pêk anîn. Di erîşên li ser Mexmûrê de Rojnamevan Denîz Firat li Mexmûrê kuştin.
* 3 Adar 2017: Pêşmergeyên PDKê li ser rêya navbera Sinûn û Xanesorê ya Şengalê êrîş pêk anîn. Di êrîşê de rojnamevan Nûjiyan Erhan birîndar kirin û di 22yê Adara 2017an de jiyana xwe ji dest da.
