Bi komî merasîm temaşe kirin

Amed – Malbatên gerîlla û Dayikên Aştiyê li Komeleya MEBYA-DERê ya Amedê û Şirnexê merasîma PKKê ya îmhakirina çekan bi girseyî temaşe kirin.

Rêberê Gelê Kurd Abdullah Ocalan di 9ê Tirmehê de piştî 26 salan daxuyaniyeke bi dimên da. Banga Abdullah Ocalan a dîrokî li Kurdistan û cihanê deng veda. Partiya Karkerên Kurdistan (PKK) jî li ser vê bangê li Sîlemaniyê bi koma ji 30 kesan pêk tê, ku navê Koma Aştî û Civaka Demokratîk li xwe kir, çêkên xwe şewitandan. Merasima PKKê li gelek bajarên bakurê Kurdistanê bi girseyî hat temaşekirin. Li avahiya Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) malbatên gerîla, dayîkên aştiyê, Hevserokên MEBYA-DERê û gelek kom bûn û bi girseyî merasim temaşe kirin. Piştî daxuyaniya Koma Aştî û Civaka Demokratîk, dayikên aştiyê sloganên “Bijî Serok Apo”, “Şehîd Namirin”, “Bi Can û Xwîn Em Bi Te Re Ey Serok” berzkirin. Dayîkan wêneyên zarokên xwe yên di şer de jiyana xwe ji dest dane rakirin. Dema ku dîmenên merasîmê hat temaşekirin, dayîkan dîsa dirûşm bezr kirin. Dayîk diyar kirin ku ew dê heta dawî di şopa şehîdên xwe de bimeşin.

Şirnex

Welatiyên Botanê li avahiya DEM Partî ya navçeyan û navenda Şirnexê kom bûn bi kelecaneke mezin merasîma PKKê ya Silemaniyê temaşe kirin.

Partiya Karkerên Kurdistan (PKK) ji bo bersivê bide banga Rêberê Gelê Kurd Abdullah Ocalan li Sîlemaniyê bi komeke gerîla ya Koma Civaka Demokratîk çekên xwe şewitand. Li Bakurê Kurdistanê jî merasîma PKKê bi girseyî hat temaşe kirin. Yek jî ji van bajaran Şirnex e. Gelek kesên ku di navde malbatên gerîllayên PKKê û rêveberên Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER), Dayikên Astiyê û gelek kes li avahiyaavahiya DEM Partî ya navçeyan û navenda Şirnexê kom bûn bi kelecaneke mezin li merasîma PKKê ya Silemaniyê temaşekirin. Piştî xwendina daxuyaniya komeke gerîla ya Koma Civaka Demokratîk girsê rabû ser pîyan û bi yek dengî dirûşmeya, “Bijî Serok Apo” berz kirin. Dema dimenê merasîmê hat dayin girsê bi yek dengî dirûşim berzkirin. Dayik û welatî bi hestiyarî temaşe kirin.