Ji bo kesên di Newroza 1992’yan de li Nisêbînê hatibûn qetilkirin çalakiya bîranînê hat lidarxistin. Li cihê komkujiyê qurnefîl hatin danîn.
Aktîvîstên Dayiken Aştiye û rêveberên TJA, DBP û DEM Partiyê bi qurnefilan 21 kesên di Newroza Newroza 1992yan de li navçeya Nisêbîn a Mêrdînê hatibûn kuştin li cihê ku bûyer lê qewimiye bi bîr anîn. Şahidên komkujiyê û Hevşaredarên Nisêbînê beşdarî bernameya bîranînê bûn. Girseya gel li nuqteya nêzî Pira Şehîda li hev civiyan û bi dirûşmeyên “Şehîd namirin” û “Bijî aşitî” bi qurnefîlên di destên xwe de heta pirê meşiyan. Piştî meşê girse ji bo kesên hatine kuştin deqeyekê rêz girt. Li ser navê Meclîsa Dayikên Aştiyê Perîhan Altûg axivî û diyar kir ku Newroz ji bo Kurdan sembola berxwedan û têkoşînê ye û diyar kir ku ew kesên jiyana xwe ji dest dane bi minetdarî bi bîr tînin.
Hevşaredarê DEM Partiyê yê navçeyê Mehmet Han Yîgît jî wiha got: “Em ê xwedî li banga Birêz Abdullah Ocalan ku rê li ber pêvajoyek nû vekir derkevin û em ê bi serkevin. Di vê wateyê de em ê hê xurtir xwedî li bîranîna şehîdên xwe derkevin.”
Çalakiya bîranînê bi danîna qurnefîlan li Çemê Çagê bi dawî bû.
