Enqerê – Bernameya bîranînê ya ji bo ji damezrîner û pêşengên PKKê Alî Haydar Kaytan û Riza Altûn ku li taxa Tûzlûçayira Enqereyê hatibû destpêkirin di roja 3yan de didome.
Partiya Karkerên Kurdistan (PKK), encama kongreya xwe ya 12emîn eşkere kiribû û ragihandibû ku xwe fesix kiriye. Di kongrê de şehadeta damezrîner û pêşengên PKKê Alî Haydar Kaytan û Riza Altun jî hatibû ragihandin. Kongre diyarî wan hatiye kirin. Piştî eşkerekirina şehadeta Alî Haydar Kaytan û Riza Altûn li gelek bajarên bakurê Kurdistanê û Tirkiyeyê bernameya bîranînê tên lidarxistin. Yek jî ji cihê bernameya bîranînê hatiyê li darxistin taxa Tûzlûçayirê ya Enqerê ku Alî Riza Altûn lê mezin bûye ye. Bernameya bîranînê ya li mala Riza Altûn lê mezin bûyî ya li Taxa Tûzlûçayirê di roja 3yemîn de didome.
Li mala ku bernameya bîranînê tê li darxistin Wêneyên her du şoreşgerên Kurdistanê daliqandî ne û danîne ser maseyê. Xwişkên Riza Altûn, Nûrhayat Altûn û Bêzar Altûn û xwişka Alî Haydar Kaytan, Gulluşan Kandemîr kesên tên serdanê pêşwazî dikin. Gelek kes tên serdanê û ji malbatan re sersaxî dixwazin. Siyasetmedara Kurd Sebahat Tuncel, Hevserokê Giştî yê DBPê Keskîn Bayindir, Hevserokê Giştî yê DEM Partiyê Tuncer Bakirhan û parlamenterên DEM Partî jî tevlî bîranînê bûn. Lênûskek jî li ser masayê hatiyê danîn û kesên tevlî bîranînê dibin hestên xwe dinivisînin.
Bernameya bîranînê ya Tuzlûçayirê îro heta danê evarê wê bidome û îro bi dawî bibe.
