Hikûmeta Londonê ji bo êrişên li dijî hedefên Îranê li Tengava Hurmuzê destûra bikaranîna baregehan da DYAyê.
Brîtanya destûr da DYAyê ku baregehên leşkerî yên Îngîlîz wekî beşek ji êrişên xwe yên plankirî li ser hedefên Îranê li Tengava Hurmuzê bi kar bîne.
Di daxuyaniya ji hêla Downing Street hat dayîn de, hat diyarkirin ku destûr di çarçoveya “parastina kolektîf a xweparastinê” de hatiye dayîn û bi taybetî “operasyonên parastinê” yên ku kapasîteya êrîşa mûşekî ya Îranê li dijî keştiyan hedef digirin di nava xwe de dihewîne.
Di daxuyaniyê de hat destnîşankirin ku Brîtanya wê rasterast beşdarî êrişan nebe û got, “Rêgezên nêzîkatiya Îngîltereyê yên li hember şer neguheriye.”
Hat bibîrxistin ku Brîtanya berê ji bo pêşî li êrişên mûşekî yên Îranê yên ku gefê li berjewendî û welatiyên Îngîlîz dixwe bigire, baregehên xwe ji bo hêzên DYAyê vekiribû.
Berdevkê Downing Street piştrast kir ku piştî endamên kabîneyê roja înê biryar girt, êdî dikarin baregehê ji bo operasyonên DYAyê yên ku li dijî kapasîteya Îranê ya li Tengava Hurmuzê keştiyan hedef digire, were bikaranîn.
Her wiha di daxuyaniyê de helwesta hikûmetê ya kêmkirina aloziyê û çareseriyek bilez dubare kir.
Hikûmeta Londonê daxuyand ku êrişên Îranê li herêmê krîzê kûrtir dike û xetereya ku bandora wê li aboriya cîhanê zêde dibe.
