Çawîşê pispor ku li gundê Hoserê yê Cizîrê jinek kuşt, li dadgehê serbest hat berdan. Di navbera 2009 û 2019an de jî 17 kes bi maşîneyên zirxî hatibûn kuştin û kujer hatibûn berdan.
Çawîşê Pispor Emre S. li gundê Hoserê yê Cizîrê welatiya bi navê Ayşe Coşkun kuşt. Çawîşê pispor li Hoserê ya Cizîra Şirnexê di 26ê Gulanê de bi maşîna xwe li Ayşe Coşkunê xist û ew kuşt. Çawişê pispor Emre S. piştî bi maşînê li Ayşe Coşkunê xist, Ayşe Coşkunê li cihê bûyerê jiyana xwe ji dest da. Çawişê pispor Emre S. hate binçavkirin û pişt re sewqî dozgriyê kirin. Dozger jî ji ber sûcê “Bi qisûra xwe bûye sedema mirinê” bi daxwaza girtinê sewqî Dadgeriya Cezayên Sulhê ya Nobedar kir. Dadger jî bi şertê “qedexeya derketina derve” biryara berdanê ji bo çawişê pispor da. Berê jî gelek leşker, polîs û çawîşên pispor li Kurdistanê bi maşîneyên zirxî welatî kuştinbûn û hemû serbest hatibûn berdan.
Kujer serbest têne berdan
Di 14ê hezîrana 2017an de jî li navçeya Liciyê ya Amedê maşîna zirxî li pîra 85 salî Pakîze Hazar xistibû û kuştibû. Cawîşê Pispor S.K. piştî demekê girtî hat darizandin û serbest hat berdan.
Kal û nevî kuştin
Polîsan di 11ê îlona 2019an de bi maşîna zirxî pê li Efe Tektekîn ê 6 salî kir û ew kuştin. Di 6ê Hezîrana 2018an de maşneke din a zirxî ya polîsan a bi navê TOMA pê li bapîrê Efe Mehmet Efe yê 85 salî kiribû û ew kuştibûn.
Li gorî daneyên Şaxa ÎHDê ya Amedê heta 2019an di 10 salên dawî de di encama pêlikirina maşîneyên zirxî de li herêmê 17 kes hatine kuştin. Ji ber kesên bersûc nayên cezakirin bi maşîneyên zirxî mirovan dikujin.
