Komeleya Zanistî ya Xwendekarên Civaknasiyê ya Zanîngeha Tarbîat Modares ragihand ku cenazeyê zêdetirî 50 jinên xwepêşander li tiba edlî ya Tehranê ye ku nasnameya wan hîna nehatine eşkerekirin.
Komeleya Zanistî ya Xwendekarên Civaknasiyê ya Zanîngeha Tarbîat Modares ya Îranê (Sociology Student Scientific Association of Tarbiat Modares University) têkildarî ji aliyê rejîma Îranê ve kuştina jinan a di xwepêşandanên li Rojhilatê Kurdistan û Îranê de, raporek belav kir.
Li gorî raporê hê herî kêm 50 cenazeyê jinên hatine kuştin li Tiba Edlî ya Kehrîz ya li Tehranê têne girtin û nasnameya wan nehatine eşkerekirin.
Xizmê kesê beşdarê xwepêşandanê bûne û wendane ji bo teşhîsê diçin morgê
Her wiha Komeleyê di rapora xwe de destnîşan kir ku di dema serdanên malbatan de ji bo naskirina cenazeyan û dîtina kesên winda, efserên rejîmê ji malbatan dipirsin ka gelo ew kesên jiyana xwe ji dest dane beşdarî xwepêşandanan bûne yan na, kesên ku beşdarî xwepêşandanan bûne rasterast dibin hewşa tiba edlî, lê ji bo yên din nameyek ji qereqola polîsan pêwîst dike.
Pêvajoya naskirina cenazeyên xwepêşandanan hê neqediyaye
Komeleya Zanistî ya Xwendekarên Civaknasiyê da zanîn ku wêneyên jinan ên li ser monitorên navendên polîsan ji malbatên ku li windahiyên xwe digerin re têne nîşandan, hejmara fermî ya hemû mirinan nagire nav xwe ku hebûna cenazeyên nenas nîşan dide ku pêvajoya naskirin û lêpirsînê hîna neqediyaye.
Rapora bîlonçoya 43 rojan
Hêjayî gotinêye ku roja 28ê Kanûna 2025an, ji ber qeyrana siyasî, aborî û civakî li Rojhilatê Kurdistan û Îranê xwepêşandanên berfireh destpêkirin. Tevî zext, geft, girtin û qetilkirinên rejîma Îranê dengê nerazîbûnan li seranserê welat û dervey welat belav bû. Li gorî rapora Rêxistina Mafê Mirovan a HRANA ji destpêka xwepêşandanan ve li Îran û Rojhilatê Kurdistanê 6 hezar û 961 kes hatine kuştin û 51 hezar û 591 xwepêşander jî hatine binçavkirin, her wiha 11 hezar û 22 xwepêşander jî birîndar bûne.
