Cenazeyê endamê HPG’ê Berat Nazlican ê ku di encama şer de jiyana xwe ji dest dabû li Çawlîgê bi girseyî hate definkirin.
Di sala 2019 23 Tebaxê li Dersîmê di şerê bi navbera gerîlayên PKKê û leşkerên tirk de gerîlayên PKKê Berat Nazlican (Botyan Amed) jiyana xwe dest dabû. Cenazeyê Berat Nazlican li gora bêkesan hatibû veşartin. Piştî 6 salan malbata Nazlican cenazeyê zarokê xwe ji Saziya Tipa Edlî ya Meletiyê girtin û gundê Botyana yê Dara Hênê defin kir.
Malbata Nazlican, Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) ya şaxa Amedê, rêxistina DEM Partiyê ya Çewligê û gelek kes tev li merasîma definkirinû bû.
Cenaze di têketina gund bi girseyî hate pêşwazîkirin û heta ku goristanê meşiya. Di meşê de dirûşmeyên “Şehîd namirin”, “Ey Şehîd xwîna te erdê namîne” hatin berzkirin. Merasîm deqîqeyekî rezgirtinê dest pê kir.
‘Botyan Amed lehengê gelê kurd e’
Hevserokê MEBYA-DERê Ramazan Dengîz di merasîmê de axivî û sersaxî ji gelê kurd xwest û wiha axivî: “Bajarê Çewligê wekî Mehmet Karasûngûr lehengên mezin derxistiye. Botyan Amed ji yek wan e. Çawa ku Mehmet Karasûngûr, Mehmet Hayrî Dûrmûş berxwedanê dilop dilop mezin kir. Botyan Amed ji vê berxwedanê mezintir. Îro em tevahî cîhane tên naskirin, şoreşa Rojava pêk hat bi keda Botyan û hevalên vî ne. Şehîd namirin.”
Piştî axaftinan merasîm dawî bû.
