Karwanê cenazeyê Salih Muslim ku ji Qamişloyê bi rê ketibû gihîşt gundê Şêran ê Kobanê.
Bi hezaran şêniyên bajarê Kobanê cenazeyê siyasetmedarê Kurd û endamê Desteya Hevserokatiya Partiya Yekitiya Demokratîk (PYD) Salih Muslim li gundê wî yê Şêran pêşwazî kir.
Vê sibehê bi hezaran şêniyên Rojava bi Kurd, Ereb û Suryan û pêkhateyên din, cenazeyê Salih Muslim oxir kir. Merasîma oxirkirinê ji aliyê Meclisa Malbatên Şehîdan a bajarê Qamişloyê ve li Stadyuma Şehîdên 12ê Adarê pêk hat û ber bi Kobanê ve hat birêkirin.
Wê sibe cenazeyê Salih Muslim li Pakrewangeha Şehîd Dicle Kobanê bi girseyî were definkirin.
