Cerdevanên gundê Kespiyaniş ê Elkê daristanên gund firotin cerdevanên Qilebanê û wan jî talana daristanê pêk anî.
Li gundê Kespiyaniş ê navçeya Elkê ya Şirnexê hate hînbûn ku cerdevanên gund daristanên gund ji bo birînê firotine hin cerdevanên navçeya Qilebanê û beriya 2 mehan van cerdevanan dest bi birîna daristanan kirine.
Di dîmenên ku ketine destê ajansa me de li herêma Zêrînê bi hezaran donim daristan hatine birîn û heya beriya 15 rojan jî vê talanê berdewam kiriye.
Di dîmenan de herêma Zêrînê ku beriya talanê hemû daristan bû weke zeviyeke bêdaristan xuye dike.
Ji sala 2018an heya îro bi hinceta ewlehiyê dehezaran donim daristanan Şirnex hatine birîn.
