Çeteyên girêdayî dewleta tirk li gundê Bîbaka yê Efrîna dagirkirî hevjînên hev îşkence kirin.
Çeteyên dewleta tirk îşkence li Fayiq Hebeş (60) û hevjîna wî Emîne Îsa yên ji gundê Bîbaka yê bajarokê Bilbilê yê Efrîna dagirkirî, kirin.
Li gorî nûçeya ANHA’yê, çeteyan bi ser mala welatî Fayiq Hebeş de girtin îşkence li wî kirin û dest danîn ser mala wî.
Hate ragihandin ku hevjîna Fayiq, Emîna Îsa hewl dida hevjînê xwe ji dest çeteyan xelas bike, çeteyan îşkence li wê jî kirin. Hate ragihandin ku rewşa hevjîn Emîne ne başe û dest û lingên heta sibehê girêdayî hiştine.
Fayiq û hevjîna xwe nêzî salekê ji Helebê vegeriyane gundê xwe, lê her çeteyan gefên şantajkirinê lê xwarine.
Berî niha bi demekê dengê keyayê gundê Bîbaka hatibû belavkirin û hatibû ragihandin ku divê kurdên dema dawî vegeriyan serî li navendan çeteyên dewleta tirk bidin, berovajî wê bên îşkencekirin.
Li Efrîna dagirkirî kiryarên revandin, lêdan û talan ji hêla çeteyan ve didomin. Gelek kiryarên revandina welatiyan û şantajkirina malbatên wan ji bo dayîna pereyan hatin tomarkirin.
