Serokê Meclîse Numan Kurtulmuş bi endamên partiyên siyasî yên di komîsyonê de ne û raporê binivisînin re civiya. Cigirê Serokê Giştî yê MHPê Fetî Yildiz ku tevlî civînê bû diyar kir ku pêvajoya xebatên komîsyonê bê dirêjkirin.
Endamên Komîsyona Demokrasî, Xwîşk-Biratî Hevgirtina Mîllî yên partiyên siyasî ku di nivîsandina raporê de hatinê peywîrdar kirin bi Serokiya Numan Kurtulmuş civiyan. Endamê Komîsyonê yê Partiya Wekhevî û Demokrasiye ya Gelan (DEM Partî) Cengîz Çiçek, Cigirê Serokê MHPê û endamê komîsyonê Fetî Yildiz, endamê komîsyonê yê CHPê Murat Emîr, endamê komîsyonê yê AKPê Abdülhamit Gul û endamê komîsyonê yê Koma Yenîyolê Bulent Kaya ku li ser navê partiyên xwe di nivîsandina raporê de hatinê peywirdar kirin tevlî civînê bûn.
Civîn zêdetirî seateke ajot. Fetî Yildiz li ser pirsa çapemeniyê diyar kir ku pêvajoya xebatên komîsyonê hatiyê dirêj kirin û got ku komîsyon dê roja çarşemî di seat 14an de careke din bicivê. Her wiha Fetî Yildiz da zanîn ku tê payin komîsyon roja pençşemî jî bicive.
Her wiha Murat Emîr jî diyar kir ku Serokê Meclîse dê daxuyaniyeke niviskî parve bike.
