Rojnamegerê Swêdî Joakim Medin ê ku protestoyên girtina Ekrem Îmamoglû dişopand hatibû girtin. Dadgehê di dozê de 11 meh û 20 roj cezayê hepsê li rojnameger birî.
Rojnamegerê Swêdî Joakim Medin ji bo ku xwepêşandanên binçavkirina Şaredarê Bajarê Mezin ê Stenbolê Ekrem Îmamoglû bişopîne hatibû Stenbolê. Joakim Medin dema xwepêşandanên girtina Îmamoglû dişopand di 28ê Adarê de hat girtin. Medin bi îdiaya “Heqaret li Serokkomar kiriye” hatibû girtin. Danişîna ewil a doza Medin ku bi îdiaya “Heqaret li Serokkomar kiriye” lê hatibû vekirin, li Dadgeha Cezayê Asliye ya 79emîn a Enqereyê hat lidarxistin.
Pralamentera DEM Partiyê ya Amedê Ceylan Akça Cupolo, ji Parlamentoya Ewropayê Jonas Sjostedt û ji Parlamentoya Swêdê Ulrika Westerlund, li ser navê Rêxistina Rojnamegerên Sînor Nenas Martin Roux, Sefîra Swêdê yê Enqereyê Malena Mard, rêveber û nûnerên DÎSK Basın-Îşêi Komeleya Rojnamegerên Dîcle Firatê, Cemiyeta Rojnamegeran û MLSAyê doz şopandin.
Medin bi rêya Pergala Deng û Dîmen (SEGBÎS) ji Girtîgeha Marmarayê (Sîlîvrî) lê girtî ye bi rêya wergerê sondxwarî beşdarî dozê hat kirin.
Dadgehê ceza li rojnameger birî
Piştî parastinan şandeya dadgehê biryara xwe da. Dozger xwest rojnameger Medin ji sûcê “heqaretê” were mehkûmkirin û girtî bimîne. Şandeya dadgehê paşê biryara xwe eşkere kir û 11 meh û 20 roj cezayê hepsê li Medin birî û biryara tehliyeya wî da. Şandeya dadgehê ceza birî jî taloq kir.
