Li bajarê Deyra Zorê endamên DAIŞê li Bajaroka El Bahra ya Dêra Zorê êrîşî biryargeheke HSDê kirin û reviyan. Di demên dawî de êdî DAIŞî êrîş dikin û direvin.
Endamên DAIŞê li bajaroka El-Bahra ya Dêra Zorê bi çekên giran êrîşî biryargeheke Hêzên Sûriyeya Demokratîk (HSD) kirin. Endamên DAIŞê piştî êrîş kirin ji cihê bûyerê reviyan. Di 24 saetên dawî de DAIŞ cara sêyemîn e êrîşî baragehên HSDê dike û direve. DAIŞê berê li Deyra zor û Hesekê êrîşî yekîneyên HSDê kiribûn û reviya bûn.
SOHRê ji destpêka sala 2025an heta niha DAIŞê 230 caran êrîşî herêmên Rêveberiya Xweser belge kir. Li gorî lêkolîn û îstatîstîkên SOHRê di van êrîşan de herî kêm 100 kesan jiyana xwe ji dest dane.
Li gorî çavdêriyên SOHRê di van êrîşên DAIŞê de 71 kesên girêdayî HSDê ne. Di êrîşan de 13 endamên DAIŞê, 15 sivîl hatin kuştin. Di 198 êrîşen DAIŞê de li Herêma Dêra Zorê 51 endamên HDSê, 4 endamên DAIŞê, 13 sivîlan jiyana xwe ji dest dan û 71 kes jî birîndar bûn.
Di 15 êrîşên li herêma Reqayê de jî 15 kesan jiyana xwe ji dest dan û 17 kes jî birîndar bûn.
