Dayika Aştiyê Zekiye Ayhan di qezaya trafîkê de bi giranî birîndar bû. Dermankirina Zekiye Ayhan a ku xwînrijiya ser mejî wê, berdewam dike.
Dayika Aştiyê Zekiye Ayhan (74) a li navçeya Sêwereg a Rihayê dijî qezaya trafîkê derbas kir. Zekiye Ayhan a ku dema li Kolana Amedê ya navenda navçeyê derbas dibû wesayît lê qelibî bi giranî birîndar bû, rakirin Nexweşxaneya Dewletê ya Sêweregê. Piştî mudaxeleya li vir, Zekiye Ayhan a ku xwînrêjiya mêjî sewqî Nexweşxaneya Perwerde û Lêkolînê ya Mehmet Akif Înan a Rihayê hat kirin. Hat hînbûn ku jiyana Zekiye Ayhan hîn jî di xetereyê de ye.
Yildiz Ayhan (Zekiye) keça Zekiye Ayhan a di sala 1991an de dema ku 19 salî bû tevlî têkoşîna azadiyê bû û navê diya xwe wekî navekî kod li xwe kir. Zekiye Ayhan piştî 14 salan hîn bû ku keça wê di sala 1995an de jiyana xwe ji dest daye û di sala 2009an de şîna keça xwe danî. Zekiye Ayhan di heman demê de dayika siyasetmedarê Kurd Îbrahîm Ayhan e ku di 20ê Îlona 2018an de li bajarê Hewlerê yê Herêma Federal a Kurdistanê ji ber krîza dil wefat kir.
