Wezareta Hundirîn a hikûmeta demkî ya Sûriyeyê diyar kir ku wê ji 6ê nîsanê ve dest bi qeydkirina navên kesên ku nasnameyên wan tune ne (mektûm) bikin.
Cîgirê Wezîrê Hundirîn ê Karûbarên Sivîl Ziyad El Ayiş diyar kir ku wê ji 6ê nîsanê ve dest bi wergirtina daxwaznameyên Kurdên ku qeydên wan tunene bê kirin.
Wezareta Hundirîn a hikûmeta demkî ya Sûriyeyê bi rêya malperên xwe yên fermî diyar kir ku ev biryar di bicihanîna rênameyên ku ji hêla Wezîrê Hundirîn Enes Xetab ve de ye.
Wezaretê destnîşan kir ku komîte û navendên pejirandî dê li parêzgehên Şam, Heleb, Hesekê, Reqa û Dêrazorê dest bi wergirtina daxwaznameyan bikin, da ku kar û xebat bi rêkûpêk bimeşin û barên li ser welatiyan kêm bibin.
Wezaretê ragihand ku qonaxa yekem li ser wergirtina daxwaznameyan û kontrolkirina belge û îsbatên pêşkêşkirî li gorî prosedurên qanûnî yên têkildar e, ji bo amadekariya temamkirina prosedurên pêwîst a dayîna hemwelatîbûnê.
Serokê hikûmeta demkî ya Sûriyeyê Ehmed Şara di 16ê çileyê de fermana qanûnî ya hejmara 13an a sala 2026an derxist. Di naverokê de hat gotin welatiyên Kurd beşek resen ji gelê Sûriyeyê ne, nasnameya wan a çandî û zimanî beşek ji nasnameya neteweyî ya Sûriyeyî ya pirreng û yekgirtî ku nayên parçekirin e.
