Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) li Qada Şêx Seîdê cejna gel pîroz kir.
DEM Partî û DBP li Qada Şêx Seîd a Amedê di roja 2yemîn de cejna gel pîroz kir. Di pîrozbahiyê de Parlementerên DEM Partiyê yên Amedê Ceylan Akça, Halîde Turkoglu, Adalet Kaya û Serhat Eren, Hevşaredarên Bajarê Mezin ên Amedê Serra Bucak û Dogan Hatûn, hevşarêdarên navçeyan û hevserokên bajar û rêveberên DEM Partî, DBPê ya Amedê û gelek welatî beşdarî pîrozbahiyê bûn. Nûner û rêveberên partiyan di pîrozbahiyê de şekirê cejnê belav kirin. Di pîrozbahiyê de ewil Hevserokê DBPê ya Amedê Mehmet Şîrîn Gûrbûz axivî û got: “Berxwedana gelê Kurd didome û dê bidome. Cejna Remezanê li gelê me re pîroz be. Rojên ronî li pêşiya me ye. Meşa azadiyê ya gelê Kurd didome. Bi salan e em têdikoşin. Em ê bi ser bikevin.”
Paşê hevşaredara bajarê mezin a Amedê Serra Bûcak axivî. Serra Bucak anî ziman ku ji bo aştiyêk mayinde li vir in û got: “Gelê me û xebatkarên partiyê cejna we tevahiyan pîroz be. Pêvajoya pêşiya me ji bo gelê Kurd gelek girîng e. Piştî banga 27ê Sibatê divê em ji bo keşketina pêvajoyê bêtir têbikoşin. Bila her roja me bibe cejn.
Berdevka meclîsa jinan a DEM Partiyê Halîde Turkoglû axivî. Halîde Turkoglû diyar kir ku banga Rêberê Gelê Kurd Abdullah Ocalan gelek girîng e û got: “Ez li ser navê meclisa jinan a DEM Partiyê we silav dikim. Ez hêvîdarim ku ev cejn bibe wesîla azadiye. Li Kurdistanê û Tirkiyeyê her roj jin tên kuştin. Îro li Rêzanê jinek hat kuştin. Ji bo azadiyê jinan em ê têbikoşin. Banga birêz Abdullah Ocalan ji bo azadîya jinê ye jî. Ev roj şanî me dikin ku rojê azadiyê hewceye ji bo me. Bila ev cejn bibe wesîla azadiyê û êdî bila qeyûm tayînî şaredariya me nekin.”
