Serokê Giştî yê MHPê Devlet Bahçelî li ser biryara PKKê daxuyaniyek da û got: “Spasiya rêberê damezrîner ê PKKê Abdullah Ocalan û DEM Partiyê dikim.”
Serokê Giştî yê MHPê Devlet Bahçelî têkildarî biryara fesixkirinê ya PKKê daxuyaniyek belav kir. Devlet Bahçelî diyar kir ku tovên aştiyî hatine çandin û gul vebûne.
Bahçelî wiha got: “Tovên aştiyê yên ku bi ked, sebir û fedakariyê li her derê welatê Tirk hatine çandin, bi hêvî hatine avdan, di encamê de şax û pel derxistine û gul vekirine. Ez spasiya rêberê damezrîner ê PKKê Abdullah Ocalan, Şandeya Îmraliyê, Hevserokên DEM Partiyê, rêveber û parlamenterên DEM Partiyê dikim.
Heta îro, zehmetiyên ku hatine kişandin, belayen ku hatine dîtin, xwîna pak a şehîdan ku hatiye rijandin, wekî agir ketibe dilên neteweyî jî, ti pêvajoya şikestina siyasî û civakî ya ku bikare yekîtî û biratiya me ya neteweyî ji holê rake an zirar bide, neqewimiye.”
