DFGê 3yemîn Kongreya Asayî bi dirûşma “Çapemeniya Azad Civaka Azad” pêk anî. Di Kongereyê de hevserokên nû ya DFGê Kesîra Onen û Selman Çîcek hatin hilbijartin.
Komeleya Rojnamegeran a Dîcle Firatê (DFG) 3yemîn Kongreya Asayî pêk anî. Kongre bi dirûşma “Çapemeniya Azad Civaka Azad” li eywana Navenda ÇandAmedê pêk anî. Hevserokê Partiya Herêmen Demokratîk (DBP) Keskîn Bayindir, hevşaredarên Bajarê Mezin û navendê yên Amedê, endam û nûnerên saziyên civakî, dayîkên aştiyê û gelek rojnameger tev li kongereyê bûn.
Wêneyên rojnamegerên li ser karê xwe de hatine kuştin li eywanê hatin daliqandin.
Kongre ji bo rojnamegeren hatine kuştin deqîqeyek rezgirtinê destpê kir. Kongre bi axaftina rojnameger Adnan Bîlen destpê kir.
‘Em ê rêya şehîdan de bin’
Adnan Bîlen dazanîn ku kedkarên çapemeniyê gelek berdelên giran da û wiha axivî: “Gelek hevalên me hatin qetilkirin, me gelek şehîd dan. Em li ser bîranîna wan vê kongereyê pêk tînin. Têkoşîna me xwedîderketina heqîqêtê ye. Em ê her tim rêya şehîdan de bin.”
Paşê sînevîzyon hat temaşekirin û dîwan hat hilbirjartin.
‘Em ê rol û mîsyona xwe pêk bînin’
Li ser bi navê dîwanê Serdar Altan axivî û diyar kir ku tevahiya pirsgirêkan li Kurdistan, Tirkiye û Rojhilata Navîn rastiyê ji bo di bin tariyê de nahelin ew karê xwe dikin û wiha axivî: “Dema ku me destpê kir 10-25 kes bûn îro em bûna 300 kes. Ji bo rol û mîsyona xwe em pêk bînin dîve em kar û xebatên xurt bimeşînin. Ya girîng ew e ku em ê piştî niha çi bikin û ev kongre bibe bersiva vê yekê.”
‘Hevalên me yên bi SÎHAyan hatinê kuştin dê bijîn’
Paşê Hevseroka DFGê Dîcle Muftuoglu axivî û diyar kir ku li vir wenêyen hevalên şehîdan hene û wiha axivî: “Di sala 2019an de me dest bi karê DFGê kir. Me ala Apê Musa, Nagîhan Akarsel rakir. Berî 30 salan dema ku me dest bi karê xwe kir, gelê Kurd dibin qirkirinê de bû. Lê gelê kurd îro jiyana xwe berdewam dike ev sebeba hevalên me ye rojnamegerên şehîdan e jî. Di salên 90î de hevalên me li kolanan dihatin kuştin ji bo ku heqîqêtê holê rakin. Dema ku em hatin salên 2010an rewş hat guherandin em girtinê re rû bi rû man. Îro jî hevalên me bi SÎHAyan tê kuştin. Hevalên me hatine kuştin dê bijîn. Em ê xwedî li têkoşîna wan derkevin.”
‘Em alên şehîdan li erdê nehûlin’
Paşê rojanemeger Huseyîn Aykol axivî û destnîşan kir ku ev meş berî 35 sala destpêkir û wiha bi lev kir: “Eger hevalên me tunebûya rastî me tu carî nekariya derxin holê. Ez 35 sal e li vir bim ji bo ala hevalên şehîd erde nehilin. Çawa ku roja sereke me dest bi karê xwe kiribû em ê welê berdewam bikin. Em ê dijî mirinê karê xwe berdewam bikin. Heta mirinê jî ez ê li vir bim.”
Paşê Hevşaredarê Bajarê Mezin a Amedê Dogan Hatun axivî û diyar kir karê rojanemegeriyê ji bo pêvajoyê gelek girîng e û anî ziman ku gelek hewcedarî bi rojnemegeran re heye. Dogan Hatun dazanîn ku çapemenî azad be civak jî azad e.
‘Civaka azad dê bi çapemeniya azad re pêk bê’
Dûre Hevserokê Giştî yê DBPê Keskîn Bayindir axivî û bi bîr xist ku çapemeniya azad parêzvaniya gelê kurd kiriye û wiha got: “Ji bo vê li cîhanê ragihandin pêş ketiye. Desthilatdar jî gelek giringî dide çapemeniyê. Bi keda çapemeniya azad tiştên ku li Kurdistanê diqewimin bi keda çapemeniya azad digihêjê her derê. Bangawaziya Rêberê Gelê Kurd Abdullah Ocalan pêvajoyê bi rê ve dibe. Civakêk azad bi destpê çapeminiya azad derkeve holê.”
Piştî axaftina xwendina raporan kongre berdewam kir.
Di dawiyê de hilbijartin pêk hat. Kesîra Onen û Selman Çîcek weke hevserokên DFGê hatin hilbijartin.
Hevserok Selman Çîcek destnişan kir ku ew vê kongereyê diyarî şehîdan dikin.
